Lehena Ondarroa eta Izpaster artekoa izango da. Otsailaren 20an izango da irteera eta izena eman ahalko da otsailaren 14, 15 eta 16an, 19:30etik 20:30era. Aste bukaera horretarako ere mendi eskia egiteko irteera antolatu du Besaidek. Candanchura joango dira hilaren 19an eta 20an eta mendi eskia egiten ikasi gura dutenendako ikastaroa izango da. Izena emateko egunak dira hilaren 14a eta 15a, 19:30etik 20:30era.
Elur-erraketa ikastaroa
Azkenik, elur erraketak erabiltzen ikasteko irteera antolatu dute hilaren 26rako. Erraketak erabili ez dutenendako baina baita trebatuta daudenendako zuzenduta dago ikastaroa. Valdezcaraira joango dira eta 60 euro ordaindu beharko da –bazkideek 50 euro–.
Izena emateko azken eguna da otsailaren 16a –19:30-20:30–. Hiru irteeretan izena emateko Besaide elkarteak Garibai kalean duen egoitzara joan behar da.