Azken emaitza ikusita pentsa daitekeena baino gehiago kosta zitzaien arrasatearrei lehen gola egitea. Partidua hasi eta hamar minutura heldu zen etxekoen lehen sareratzea eta Eider Zeziaga izan zen beronen egilea. Hamar minutu beranduago Zeziaga bera izan zen bigarrena markatu zuena.
Gol festa
Lehenengo zatia bukatu aurretik, beste bost gol egin zituzten Jon Zuloagaren neskek, eta bigarren zatian, bi gehiago. Maitane Roak denera bost gol sartu zituen eta Tania Diazek eta Lide Zubiagak bana. Garaipen honekin bigarren dira arrasatearrak, lider den Zarautzekin puntutan berdinduta.