Otsailaren 15ean, 22an eta martxoaren 1ean izango dira jardunaldiak (17:30-20:30).
Helburuak hauek dira: mugimendu feminista gertuagotik ezagutu, oinarrizko kontzeptuak argitzea eta mugimenduaren inguruan egon daitezkeen aurreiritzien eta topikoen lanketa; feminismoaren oparotasuna ezagutzea; garatu diren tendentzia eta feminismoa ulertzeko modu ezberdinen aurkezpena eta gerturatzea; Euskal Herrian feminismoak izan duen bilakaera eta garapena ezagutzea; eta feminismoak egindako ekarpen bariatua ezagutzea. Baita gai ezberdinen inguruan herritarren iritzi eta aportazio feministak jasotzea ere.
Hauek izango dira edukiak, saioz saio:
1.Saioa: Mendebaldeko mugimendu feministaren sorrera eta bilakaera XVII. mendetik XXI. mende atarirarte.
Data: Otsailaren 15ean, martitzenean
Edukiak:
- Menbebaldeko mugimendu feministaren bilakaera azaltzen duten olatuen azalpena (aurrekariak; sufragistak eta sozialista feministak; Simone de Beauvoir; II olatua (Betty Friedan eta feminismo liberala estatu batuetan; feminismo radikala; berezitasunaren feminismoa)
- Feminismoren tendentzia ezberdinak: berdintasunarena, berezitasunarena, feminismo sozialista, feminismo radikala, euskal feminismoa, feminismo transfeminista…
- Autore feminista ezberdinen testu eta idatzien lanketa.
Hizlaria: Edurne Epelde Pagola
2. Saioa: Euskal Herriko mugimendu feministaren historia (1. atala)
Data: Otsailak 22an, martitzenean
Edukiak:
- Euskal herrian 70. hamarkadatik egungo garai arte feminismoaren bilakaera.
- Feminismoaren sorrera: iparraldeko feministak; hegoaldeko hastapenak; jardunaldi feministak.
3. Saioa: Euskal Herriko mugimendu feministaren historia (2. atala)
Arrasaten eta inguruan mugimendu feministaren bilakaera. Azken hamarkadetan mugimenduaren ibilbidea.
Data: Martxoak 1ean, martitzenean
Iraupena: 3 ordu
Edukiak:
- III. Jardunaldi Feministetatik gaur egun arte mugimendu feminista Euskal Herrian.
- Eta Arrasaten zer? Zein talde feminista existitu izan dira?
- Noiz eta zein testuingurutan sortu zen Arrasateko emakume asanblada? Zein izan zen bere bilakaera?
- Gaur egungo mugimendu feminista Euskal Herrian.
Hizlariak: Edurne Epelde Pagola eta Miren Aranguren Etxarte