Tenis zaletasunak "gorakada" bizi du azkenaldian, Arrasateko AKE tenis elkartearen arabera. Gorakada horren lekuko izango dira bihar, zapatua, Musakolako kiroldegiko tenis pistak. Izan ere, AKE elkartea Aloña Mendiren aurka lehiatuko da VascoNavarroRiojanoCantabro (VNRC) deritzon txapelketan. Txapelketa hori aspaldi sortu zen Kantauri isurialdeko tenis elkarte ezberdinen eskutik, eta Davis koparen antzeko formatua dauka.
Ibarreko taldeek hainbat urte daramatzate halako txapelketa baten parte hartu barik: "Aurten animatu egin gara eta izena eman dugu, tenisak gurean aspaldian izan duen gorakadaren adierazle", adierazi dute AKE elkartekoek. VNRC ligako hirugarren mailan lehiatuko dira bi taldeak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.