Proiektu berria orain arte egin dutenaren jarraipena den edo ez galdetuta, Iraitz Agirre taldekideak azaldu du oraindik ezin dutela hori baloratu: "Kontzertuaren ondoren jendearekin egoteko gogoa daukagu proiektua zer iruditu zaien jakiteko". Agirrek azaldu du, alde batetik, eurendako aldaketa izan dela Musika kaxa proiektua: "Sorkuntza zerotik hasi dugu; abestien letrak eta musikak huts-hutsetik hasi ditugu". Gainera, euren abestietan flamenko kaxa sartzeak indarra ematen diela uste du.
Bestalde, abestietan melodia melankolikoak gailentzen direla uste du: "Orain arteko abestien tonu antzerakoa", azaldu du. Horregatik, kontzertuko sentsazioak ikusi gura dituzte.
Objektu femeninoa
Proiektu berrian hainbat gai landuko dituzte, eta musika kaxa nonahi egongo den objektua izango da. "Guretzat esanahi handia duen objektuak da. Metafora bezala balio du; izan ere, bakoitzak bere gauzatxoak sartzen ditu musika kaxa batean. Gainera, oso objektu femeninoa da", zaldu du Agirrek.
Bost lagunek osatzen dute taldea: Maialen Madariagak kaxa flamenkoa jotzen du; Amaia Pavonek biolina; Ainara Kortabarria eta Iraitz Agirrek gitarra eta ahotsa; eta, Itsaso Navaridasek dantzan egiten du.
Myspace webgunean euren txokoa sortu berri du taldeak.