Udal hauteskundeetarako Herri Programa osatzeko "abertzale, ezkertiar eta independentistei" parte hartzeko deia luzatu die ezker abertzaleak. Zapatu goizean egindako agerraldian azaldu zuten indarrak batzea ezinbestekoa dela: "Bizi duguna ez da eredu ekonomiko baten krisia; krisi politikoa da, soziala, baloreena. Ez da kasualitatez sortua gainera, baditu interes eta arduradun batzuk ere. Ilundu nahi dizkiguten bazterrak kolorez margotu nahi ditugu. Herritarrok gara aldaketa horren ahotsa eta ahots hori jasotzeko bideak jarriko ditugu".
Herri Programa garatzeko hamar lantalde osatu dira: Euskara, Hezkuntza, Kultura, Ongizatea, Gazteria, Emakumeak, Kirola, Hirigintza, Ingurumena eta Enplegu eta Garapen Ekonomikoa. Tantalde horiek egindako diagnostikoak aurkeztu zituzten zapatuan Kulturaten egindako bileran, eta proposamenak ere hasi ziren jasotzen: "Gaur bertan hasi gara proposamenak jasotzen, baina orain otsailera bitartean herritar guztien proposamenak jaso nahi ditugu. Datozen asteetan emango dugu horretarako ipiniko ditugun bideen berri".