Ohi duten moduan, Santa Ageda bezperan, 08:00etan lkartuko dira parrokian koruetako kideak, meza entzuteko. Gero, bi taldetan banatu, eta batak Bedoña ingururako bidea hartuko du, eta beste taldeak, Zigorrola aldekoa. Eguerdi-arratsaldean, berriz, udaletxe aurrean abestuko dute.
Bazkaldu eta gero, arratsaldean segituko dute kantuan; azkeneko hitzordua 20:30-21:00ak aldera egingo dute, atzera ere Herriko plazan, azkeneko aldiz abesteko.
Iaz, 6.321 euro batu zituzten Santa eskean. Halaxe banatu zuten batutako, Caritasen bitartez: ezkongabeko amendako, 2.500 euro; bananduta dauden amendako, 1.100 euro; jangelendako, 1.000 euro eta etxeak alokatzen laguntzeko, 1.721 euro.