Kontatzeko modua, gainera, berezia izango da. Izan ere, komunikazio ez berbalak garrantzia izango du lanean; hau da, "esaten ez denak" izango du garrantzia. Shakespearek erabilitako hitz-joko trebeak nabarmenak izan ziren beti haren pertsonaia komikoak eraikitzeko, baina, Amaian eskainiko den lanean, pantomimaren eredu isilak nabarmentzen dira, batez ere.
Hiru protagonista
Kontatzen dena da uharte sorgindu batean gertatutakoak. Ametsezko mundu horretan xalotasunak, maitasunak, beldurrak, gaiztakeriak eta mendekuak aurrez aurre jarri zirenekoak, mago handi baten menpe.
Antzezlanean hiru protagonistak hartuko dute parte; Jorge Cruz, Tiago Viegas eta Marta Cerqueirak aktoreek. Laneko zuzendaria da John Mowat eta iraungo du 70 minutu inguru.
Domekan, 19:30ean izango da antzezlana, 10 euroren truke.