Lehenengo hamar minutuak nahiko parekatuak izan ziren (5-5). Baina minutuak pasa ahala, etxeko taldea nagusitzen joan zen; batez ere, fisikoki izan ziren gehiago arrasatearrak. "Gure planteamendua izan da korrika asko egitea. Bagenekien hainbat jokalari lesionatuta dituztela; hortaz, aprobetxatu gura izan dugu fisikoki indartsuagoak izatea", azaldu zuen Edu Orgazek. Eraso azkarrak egindako zulo politak aurkitu zituzten etxekoek gola egiteko. Atsedenera 23-20 aurretik iritsi ziren Orgazen mutilak.
Sake azkarrak egin
Bigarren zatiko lehenengo zatian aldea nabarmen handitu zuten etxekoek 36-29; baina, minutuak aurrera joan ahala aldea gutxitu egin zen. Joko aldetik partidua ez zen ona izan; batez ere, sake azkarrarekin gola bilatzen denean burua ez delako behar den tokian izaten.
Gustura bi punturekin
Edu Orgaz, baina, pozik zegoen emaitzarekin: "Gustura, bi puntu gehiago ditugulako", azaldu zuen lehia amaitzean.