ESK-k honakoa esaten du: "Gobernu desberdinak planteatzen ari diren pentsioen erreforma honen eta gainontzeko gizarte eskubideen murrizketak direla bide, ESK-k dio langileriak irmoki erantzun behar duela".
Honako oharra egiten du: "Egun, krisiarekiko instituzioen erantzuna Ongizatearen Estatua etapaz etapa behera botatzera zuzenduta dago, hau baita finantza merkatuen exijentzia, zeini Zapateroren Gobernuak 2010eko maiatzetik erabateko ohore egiten dien. Aurreko urtetan etekinen neurrigabeko pilatzearen ondorioz krisia eragin zutenek krisiaren kosteak langile eta gizartearen sektoren ahulenen bizkarretik ematea exijitzen dute. Eta gobernuek hauen esanetara dihardute".
"Greba masiboa eta erabatekoa"
Grebara joateko honako arrazoiak ematen ditu ESK-k: "Langile guztiei erreformaren zentzugabekeria ezagutarazi behar diegu, zein erreformaren bizkarrean ezkutatzen den politika neoliberala eta berau bertan behera botatzearen garrantzia. Urtarrilaren 27ko greba orokorrak masiboa eta erabatekoa behar du izan", esaten dute.
Horrexegatik antolatu dituzte biharko hitzaldia eta kale agerraldia. Iñaki Uribarriren hitzaldia 18:00etan izango da, Kulturaten, eta Seber Altube plazan kale-agerraldia egingo dute segidan, 19:00etan.