Vicenta Pagoaga arrasatearrak 100 urte bete ditu

Ekitaldian Vicenta Pagoagak Udalaren eta Foru Aldundiaren lore sortak jaso ditu eta, baita ere, Abaroa erretiratu elkartearen plaka eta Iturbidek oparitutako kolonia. Hori bakarrik ez, 100 urte egiteagatik Abaroak urrezko txartela oparitu dio eta aurrerantzean ez du elkarteko kuotarik ordaindu beharko.

Vicenta Pagoaga 1911ko urtarrilaren 17an jaio zen Arrasateko Mahala kaleko etxe batean. Erdiko kalean bizi izan zen, orain dela 16 urte bere ahizpa Margaritarekin batera Iturbide egoitzara joan zen arte. Bi ahizpak elkarrekin bizi izan ziren 2004ra arte, Margarita hil zen urtera arte. 

Familian, hiru anai-arreben artean, Vicentak izan zuen etxea aurrera eramateko ardura, hala ere gaztetan Oñatiko Chocolates Orbea enpresako jabeen etxean zerbitzari lanetan ere aritu zen.