Azaroan hasi zituen Obenerreka enpresak Elmaren egoitza zena konpontzeko lanak egiten, “horixe da-eta Udalarekin dugun hitzarmena”, adierazi dute enpresatik. Hain justu, Elmaren fatxada goitik behera berritu behar dute.
Kanpoko aldea, bakarrik
Dagoeneko konpondu dizkiote leiho guztiak, “asko zeuden apurtuta”; eta fatxadan dauden arrakalak eta bestelako zartatuak ere konpontzen dihardute. “Guk kanpoko aldea konpondu behar dugu, gero barrukoarekin zer egin Udalak erabaki beharko du”. Martxo erdialderako bukatuko dituzte lan guztiak.