Juan Luis Arkauz SUDCeko presidenteak Arrasate Irratian azaldu duenez, herritar batzuengandik jaso dute proposamena. "Herriko erretiratu batzuk lanean dihardute euskararen alde eta proposatu digute elkarte gastronomikoetan euskara bultzatzea, indartzea. Eurak ere laguntzeko gertu daude eta euskara plan hori azaltzeko bilera egingo dugu martitzenean, SUDCeko lokalean".
Euskara plana
Arkauzek azaldu duen moduan, asmoa da elkarte gastronomikoetako estatutuak, bilerak, oharrak, aktak ... euskaraz egitea. "Planarekin orain hasiko gara eta urtebete edo urte t'erdi barru orain baino euskara gehiago erabiltzen bada elkartetan, pozik egongo gara", adierazi du Arkauzek.
Bilera martitzenean
Egun 23 elkarte gastronomiko daude SUDCn barruan eta horietatik 18k aldeko iritzia eman dute dagoeneko. Elkartetik kanpo dagoen beste soziedade batek ere bai. Horiek guztiak, SUDCeko ordezkariak eta udaleko ordezkariak egongo dira martitzeneko bileran.
- Bilera: urtarrilak 11, martitzena
- Oruda: 19:00etan
- Tokia: SUDCeko lokal berrian, Nafarroa etorbidean, Emaus dendaren gainean