Detritus Teatrus konpainiak Las punkis también lloran lana aurkeztuko du hilaren 7an 20:00etan Arrasateko Gaztetxean. Belen Nevado antzezle gasteiztarra da estereotipo klasiko guztietatik ihes egiten duen lan honen protagonista bakar eta berezia. Protesta eta aldarrikapena dira kabaret bitxiaren zutabeak eta ostiralean gaztetxera gerturatzen direnei hausnarketarako aitzakiak eskainiko dizkie konpainiaren arabera. Javier Huete da obraren zuzendaria
María Rosario del Perpetuo Socorro da kabaretaren protagonista, La Burdy ezizenez. Etorkin extremadurarren alaba da bera eta bere burua "egunerokoaren intsumisotzat" jotzen du. Hala, egunerokoan sistemari tranpa txikitxoak egiten dizkio La Burdy-k. Arrakastaren bermea dakarren lana da Las punkis también lloran. Izan ere, 2001 estreinatu zuten baina garai hartan izandako arrakasta kontuan harturik, atzera oholtzetara ekartzea erabaki du antzerki taldeak.
Lan honetaz gain, Belen Nevado eta Javier Huete, aspaldiko lagunak, Gu gu txupete eta Detritus Corazón lan sarituekin ibili dira oholtzetan besteak beste.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak