Orain arteko txartelak abenduaren 31ra arte balio du eta autobus zerbitzu berria zehazki noiz egongo den martxan ez dakitenez, Udalak erabaki du autobus zerbitzua doakoa izan dadila urtarrilaren 3tik 7 edo 10era bitartean (autobus berriak martxan noiz hasten direnaren arabera).
Urbanoa Lurraldebusen sisteman sartzeko hitzarmena
Gaur goizean, 10:30ean, sinatuko dute hitzarmena Arrasateko hiri barruko autobusak Lurraldebuseko txartel bakarraren sisteman sartzeko. Ino Galparsoro alkateak eta Arantza Tapia Mugikortasuneko eta Lurralde Antolaketako diputatuak egingo dute hitzarmenaren sinaketa.
Txartel bakarra
Urtarrilaren 7tik edo 10etik aurrera ordaintzeko era berria izango da herriko hiribusean; hau da, oraingo txartelaren ordez Gipuzkoako txartel bakarra erabili beharko da.
Txartel bakarra leku hauetan atera daiteke:
- Alegria estankoan, Zerkaosteta 4
- Arana estankoan, Kontzezino 12
- Sagasta estankoan, Olarte 19