Kaleak jendez lepo Santamasetan

Arrasateko Santamasetara jende ugari hurbildu da goizean goizetik. Kaleetan jendea baserritarrez jantzita eta trikiti doinuak lagun, talo eta txistorra dastatu dute gehienek. Bestalde, aho guztietan zebilen Motxo izena, aurtengo Santamasetako txerriaren izena eta 350 kg inguru dituela esan digute. Eta zozketa 20:00etan egin dute,  hauxe zenbaki saritua: 1213.

Ikusi argazkiak (Argazkiak: Julio Calleja)

Txerri zozketako saridunak, baina, ez du Motxo etxera eramango, 500 euro baizik. Hauxe da zenbaki saritua: 1213.


Giro polita izan da herriko kaleetan, gainera, eguraldiak ere azkenean lagundu du.


Taloa ere eguneko beste protagonistetako bat izan da eta postu batzuetan taloa hartzeko ilara luzeak itxaron behar baziren ere, beste batzuetan ez zegoen ilara horren luzea.



Ganadua eta oiloak, barazki eta fruta azoka, artisautza feria… denetarik izan da Arrasateko kaleetan.


Goizekoaren ostean, jende gehiena kanpoan geldituko da bazkaltzen kuadrilla giroan.


Egun guztia kalean igaroko dute askok behintzat eta oraindik badago zer ikusi, zer jan eta zertaz gozatu Arrasateko Santamasetan. 

Ikusi argazki gehiago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.