Udaleko Ingurumen sailetik jakinarazi digutenez, kontua ez da berria: hamabost egun-edo badira zerbait badela konturatu zirela. Rafa Ugarte Ingurumen teknikariak gaineratu du zenbaitzuk diotela orban batzuk ere ikusi dituztela uretan, baina eurek ez dutela halakorik ikusi eta, hortaz, ezin dutela informazio hori baieztatu.
Maalako errotonda ondoan, Kulturate ondoan eta Munarren usaintzen da gehienbat erregaia, zati estalitik ateratzen den puntuetan; eta ez une oro, tarteka baizik. Diputazioko teknikariak azterketa egitera etorri dira goizean eta ez dute ondorio garbirik atera, baina susmoa da enpresa edo berogailu sistema zentralizatu bateko fugaren batek eragiten duela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak