Kalejira 11:00etan izango da eta Amaia antzokiko kontzertua 13:00etan. Sarrera doanekoa izango da eta herritarrei gonbidapena luzatu diete antolatzaileek.
Mikel Markiegi da Arrasate Musikaleko Bandako zuzendaria. Gabon zaharreko kontzertuan honako programa eskainiko dute Amaia antzokian: 1812 (Peter I. Tchaikovsky), Katiuska (Sorozabal), Charles Chaplin (Philips/Parsons), Les miserables (Claude Michel Schönberg) eta A Christmas dance party (M. Carros).
Arrasate Musikaleko Banda Jose Ramon Vitoriak sortu zuen 1994an. Ordutik haziz joan da, partaide kopuruan zein urtero eskaintzen dituen ekitaldietan. Gaur egun 70 lagun inguru ari dira Arrasate Musikaleko Bandan. Esan bezala, Mikel Markiegi da Bandako zuzendaria. Haren aurretik, Eduardo Arzamendi, Jose Ramon Elkoro eta Iker Olazabalek jardun dute zuzendari lanetan.