Torneoa MUko eta Lagunak taldekoek hasiko dute, domekan, 16:30ean. Ondoren, 19:00etan, Euskadiko selekzioak eta Clavijok jokatuko dute. Hilaren 27an, 10:15ean hasiko dituzte partiduak, eta guztira lau partidu jokatuko dituzte egun horretan –Baita Hot Shot-en lehiaketa ere.
Hilaren 28an, finala
Aurreko egunetan kanporaketa faseak gainditu ostean, hilaren 28an finalerdiak –10:30ean hasita– eta finala (12:30) jokatuko dute. Eta, 14:15ean egingo dute torneoko sari banaketa.
Bistan da, iazkoa ikusi ostean, aurtengo edizioan Euskadiko selekzioa dela talde faboritoetako bat, eurak dira txapeldun ohiak. Eta, eurekin batera finalera salto egin zuen Cornella talde indartsuak ere izango du zeresana.
Gainontzeko lau taldeak, baina, ez datoz Gabon-pasa. Euren txapelketetan ondo sailkatuta dauden taldeak dira, baina, torneoak balioko du lurralde bakoitzeko gazte mailetan ze kategoria dagoen ikusteko. Eta, Gipuzkoan dagoen maila ona erakusteko ardura izango dute bertako bi ordezkariek, Goierrik eta MUk.
Torneoko partidu guztien berri izateko, egin klik hemen.