Never Surrender eta Des-kontrol Berlinen: zuzeneko ederrak baino askoz gehiago

Oso gustura itzuli dira Des-kontrol eta Never Surrender taldeetako kideak eta eurekin batera joan ziren lagunak –30 lagun inguruko taldea osatu zuten– abenduaren 11n Berlingo Clash aretoan eman zuten kontzertutik. Emanaldi soil bat baino askoz gehiago izan zen: aurrez egindako lagunekin egon eta lagun berriak egin, ezin da gehiago eskatu. Express deritzon irteera horietako bat, hain justu: egubakoitzean irten eta domekako lehen orduan bueltatu. Motza, baina intentsitatez betea.

Ez ginen bertan izan eta beraz, ezin dugu kontzertuen kronika zabala egin . Baina Never Surrender-eko taldekideek jakinarazi digutenez gau berezia izan zen oso. Clash aretoko gaua Asier Sala –Enboskada, The Motherfuckers eta Dirty Brothers– arrasatearraren zuzenekoarekin hasi zen, eta besteak beste, Iago –The 5 Twisters eta Los Galerna– eta Pascal Briggs –Alemaniako District taldeko kidea, besteak beste– musikariekin batera jo zituen zenbait kantu. Gero, Slamtilt! taldearen txanda izan zen, zuzeneko bortitza eskaini zuten. Taldea ezagutzen ez zuten arrasatear asko harrituta geratu ziren Berlingo taldearen zuzeneko indarrarekin.

Arrasatekoak gustura, euren saltsan

Agertokira igotzen hirugarrena Never Surrender izan zen. Laukote arrasatearrak guztia eman zuen agertoki gainean, Berlinen etxean moduan egoteak izugarri motibatu zituen. Eta amaitzeko, Euskal Herriko punk-oi! musikaren erreferente nagusia den Des-kontrol igo zen Clash aretoko taulara. Eurak ere etxean moduan, guztia ematen. Datu bat: kontzertuen antolatzaileetako kide batek, Frontkick taldeko Stephan baxu jole ohiak, Des-kontrolekin batera amaitu zuen Duintasunez eutsi! kantua jotzen.

Baina musika gutxienekoa izan zen...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.