2011n Martin Lasarteren mutilek, Zubietatik kanpo, Arrasatera egingo dute lehenengo entrenamendu-bidaia. Halaxe jakin berri du Goienak. Lehenengo mailara igo zirenean, ospakizunak egitera Leintz aldera etorri ez izanagatik haserretu egin ziren zale asko, eta zuzendaritzan dauden ibarreko ordezkariek –Aitor Mendibil eta Juanjo Arrieta–, eta Mikel Gonzalezek tratu hori egin zuten presidentearekin, Arantzazun bertan: Posible denean, Arrasatera. Hala, Aperribaik bete egingo du hitza.
Oraindik zehazteke dago eguna. Realak eta Zaragozak urtea hasi berritan jokatuko duten jardunaldia erabakigarria izango da Mojategiko entrenamendua noiz egingo duten zehazteko. Baina, atzo –eguaztena– ilunkeran izan zuten batzarrean erabaki zuten urtarrilaren 3an, edo 4an Arrasatera etortzea. "Gaztetxoak oporretan dauden egunak lehenetsi ditugu, orduan batuko direlako zale gehienak. Hala, Arrasaterekin eta inguruko herriekin Realak zuen zorra kentzeko modu polita dela uste dugu", adierazi digute Realetik.
Hala, Realeko zuzendaritzatik adierazi digute Realeko jokalari guztiak izango direla Mojategin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
