Jendaurreko informazioaren prozedura beteta, onartu du Gipuzkoako Foru Aldundiak Bedoñako errepidea (GI-354) zabaldu eta hobetzeko proiektua. Errepidearen kilometro bat zabaldu eta hobetuko dute, 0,520 eta 1,570 kilometro puntuen artean.
Helburua da errepidearen galtzadari 5,5 metroko zabalera ematea bere luzera osoan, trafiko arinagoa lortzeko eta bide segurtasuna hobetzeko.
Beste aldetik, trazatua zertxobait aldatuko dute 1,330 kilometro puntuaren parean, eta inguruan gertatutako lur-jausia egonkortuko dute, 55 metroko luzerako harri-lubeta baten bidez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.