Jokin Labaien, Alaia Martin, Xamaoa eta Jon Martin izango dira egubakotzeko saioko bertsolariak. Saio berezia izango da, izan ere, musika doinuen artean arituko dira kantuan bertsolariak; Unai eta Imanol izango dira musika jarriko dutenak eta gai jartzaile lanetan, bestalde, Egoitz Aizpuru arituko da. 22:00etan hasiko da eta sarrera hiru euro ordaindu beharko da.
Zapaturako, azkenik, pun-rock gaua antolatu du AGAKOk, Oñatiko jatorri izendapenarekin: CC627 –Arrasate eta Oñati–, Reaccion 912 –Oñati– eta Golpe de Estado –Oñati–, 22:30etik aurrera. Sarrera, doakoa.
Azkenik, AGAKOk ohar baten bidez honako gomendioa luzatu dio herriari, heltzear diren Gabonak direla-eta: "Gogorarazi nahi dugu kontsumismo basatiaren egunak direla hauek, burua erabili eta ez kontsumitu alperrik. Ez egin kasu telebistari, erostea baino politagoa baita norberak egitea".