Zapatuan, goizaleko 03:45ean abiatu ziren Bartzelonara, eta gaur, astelehena, 07:00etan iritsi dira etxera. Tartean 48 ordu pasa dituzte, Codorniuko bodegak bisitatzen (argazkian), Bartzelonan turismoa –egunez zein gauez– egiten eta Reala animatzen. 48 ordu horiei ahalik eta zuku handiena ateratzen ahalegindu dira Arrasatetik joandako 50 lagunak, eta Bartzelonan ere debagoiendar askorekin egin dute bat, Arrasate Txuriurdinek antolatutako bidaikoen asmo berberarekin. Lagundu egin du eguraldiak, Bartzelonako zaleekin dagoen harreman onak eta parrandarako gogoak. Emaitzak ez, horrek ez du lagundu, baina honezkero gutxienekoa da.
Arrasate Txuriurdin talde real-zaleak antolatutako bidaiko lagunak –autobus bat, goraino beteta– 07:00etan iritsi dira Arrasatera. Lo gutxi eginda, Realak Nou Campen bost gol zelan jaso zituen ikusita, baina asteburu ederraz gozatuta. Dagoeneko hasi dira hurrengo bidaia noiz egin –eta nora– erabakitzen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak