Olentzero modernoak txikitxo zein helduak poltsikoratu zituen

Broadway estiloan bikain moldatzen dela Olentzero ikusi genuen Olentzero & Co! pop-rock musikalean. Arrakastaz estreinatu da ikuskizuna. Txiki zein heldu, guztiak aho bete hortz utzi zituen emanaldiak, txundituta. Oier Arevalillok, Peruren papera eginez, publikoa poltsikoan sartu du erakutsitako talentuaz. Olentzero & Co! musikalean, 150 lagunek hartu dute parte, eta tartean dira Oihan Vega, Txemi Etxebarria, Valen Moñux, Josu Mujika Latxa, Bergarako Musika Eskola, Aritzeta Abesbatza, Bergarako Orfeoia, Biraka Dantza Taldea edo Hontza Produkzioak. Amaia Antzokia lepo bete da aste bukaerako hiru emanaldietan. Guztira, 2.400 sarrera saldu dira.