Kooltur osteguna inoiz baino anitzagoa izan zen atzo. Flamenkoa izan zen protagonista gaztetxean, eta argi geratu zen flamenkoak badituela zaleak gurean. Izan ere, 100 lagun elkartu ziren La Pulga eta konpainiaren saioa ikusteko. Eguena izanda ez dago batere txarto.
Askoa Etxebarrieta izan zen saioaren gidaria, haren takoikada eta dantzarako abileziak aho bete hortz utzi zuen ikuslea. Hori bai, goi mailako abeslaria, gitarra jolea eta perkusio jolea izan zituen atzean. Ikuslea oso gustura, kantuen amaieran txalo zaparradak izan ziren nagusi. Amaiera, borobila: Camaron de la isla handiaren Volando voy volando vengo kantuarekin agurtu ziren. Saio bikaina izan zen: zorionak, eta Ole!
Hurrengoa Mikel Urdangarin izango da. Gogoratu: eguena, abenduak 16, gaztetxean. Sarrera bost euro ordaindu beharko da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
