Ohorezko erregionalean, beste astebetez, derbia izango dugu asteburuan –denak jarraian, martxa honetan grazia galdu behar dute–. Eta oraingoan, Mondra eta Aretxabaleta izango dira zein baino zein gehiago Mojategin (16:30). Mondra kanpoan dabil hobeto, Aretxabaleta xuhur ate aurrean; zaila derbirako pronostikorik egitea.
Ez Mondra eta ez Aretxabaleta ez daude etxafueboak botatzeko. Sailkapenari begiratuta, ez gatz eta ez berakatz, sailkapenaren erdian daude, atzera begira egoteko estuasun barik –ezin dira deskuidatu– baina aurrekoak poliki-poliki zelan aldentzen diren ikusiaz. Bi taldeen artean puntu bateko aldea baino ez dago; 18 ditu Mondrak, 17 Aretxabaletak. Eta, joan den astean biek egin zuten kale, Aretxabaletak etxean, eta Mondrak kanpoan. Datuok ikusita, eta derbia dela jakinda, ezin pronostiko handirik egin; etxean jokatu arren ezin dugu Mondra faboritotzat jo, Rodriguezen taldea kanpoan dabilelako ondo, ez etxean. Aretxabaleta, berriz, ate aurrean dabil inoiz baino xuhurrago dabil, 13 gol sartuta.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak