Kutxi Romero eta Antonio Belarteren 'Las moscas lo devoraran todo', zapatuan

Kutxi Romero Marea taldeko abeslariak eta Antonio Belarte poeta valentziarrak –Sor Kampana moduan ezaguna dena– elkarlanean atera duten liburua aurkeztuko dute gaztetxean zapatuan, abenduak 11: Las moscas lo devoraran todo. Bi artistak ezagunak dira euren hitz zuhur bezain basatiengatik. Kutxi Romerok arrakasta handia lortu du Marea taldearekin –arrakastaren errua, hein handi baten, Romeroren hitzek eragin dute– eta Sor Kampana ere ezaguna da Espainia osoan haren poemengatik. Sor Kampanak ere hainbat proiektu musikaletan hartu du parte. 

 

800 lerroz osatutako poema bakarra aurkituko du irakurleak liburuan. Liburua Espainia aurkezpenetan egongo da salgai, eta baita Interneten ere, www.tiendalosmarea.com helbidean. 

La banda del abuelo ere bai

Aurkezpenak 20 minutu eskas iraungo du eta bertan Romero eta Belartek liburuaren hainbat pasarte errezitatuko dituzte, alkandora hertsagarriak jantzita dituztela eta plantxa egiteko gertu. Aurkezpen berezia, beraz. Ziur bi artistek ez dutela ikuslea axolagabe utziko. Musika, noski, ez da faltako; etxeko talde baten eskutik, gainera. La banda del abuelok saio berezia emango du, Australiako didjeridoo eta guzti; Sor Kampanak egindako abesti bat joko dute. Aurkezpenaren bideoa www.myspace.com/labandadelabuelo-en ikusi ahalko da.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.