La Pulga, Mikel Urdangarin, NaizRoxa eta Fiachras Arrasateko gaztetxean izango dira abenduan, Kooltur Ostegunak ekimenaren barruan. Kontzertu guztiak dira 22:00etan, bost euroren truke. Arrasate Irratian sarrerak izango dira zozketan.
Flamenkoa izango da protagonista gaur zortzi, abenduaren 9an, La Pulga abeslari eta bailaora gasteiztarraren eskutik. Mikel Urdangarin kantautorea etorriko da, berriz, hurrengo eguenean, abenduaren 16an.
Metala eta Irlandako marinelen kutsua
Pasai Donibanetik etorriko da, berriz, NaizRoxa taldea, abenduaren 23an euren metal musika gogorrarekin gaztetxea janztera. Eta bukatzeko, abenduaren 30ean, Fiachras musika taldeak (Brigada Criminal ohiak) Irlandako eta Australiako marinelen kutsuarekin, batez ere, tabernan koadrilan abesteko kantuak ekarriko dituzte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
