Euskal Mendizale Federazioko Eski sailak 2011 urteko egitaraua aurkeztu du

Dagoeneko hasi dira mendiak zuritzen eta pixkanaka badoa elurraz gozatzeko denboraldia iristen. Hori dela eta, Euskal Mendizale Federazioko Eski sailak 2011. urteko egitaraua aurkeztu du. Beraien helburu nagusia da mendiko eskia ezagutzera ematea eta horretarako, egitarauan lehiaketetarako eta herri probetarako ibilbideak zehaztu dituzte. Hala ere, beraien erronka nagusia da kirol horretara gazteak erakartzea.

2011. urteko egutegiaren berri eman dute aurkezpenean eta ikastaro eta lehiaketa hauek hartu dituzte kontuan: eski alpinoko ikastaroa, III. Kronotoy 2010, Euskadiko Txapelketak, Euskal Mendizale Federazioaren Kopa, Petit Pirineus, Euskal Selekzioa senior, Euskal Selekzioa Gazteak eta Open Altitoy.

Informazio gehiago, www.emf-fvm.com webgunean aurki daiteke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.