Amiantoa aurkitu dute Atxa pabiloian eta hura botatzeko lanak atzeratu egin dira
Ubane Madera
2010ko aza. 30a, 11:49
Makina hondeatzaileak Atxa pabiloi zaharraren aurrean dira dagoeneko. Izan ere, atzo Ertzaintza bertan izan zen, pabiloi zaharrean geratzen ziren errumaniarrak desalojatzeko epailearen aginduarekin. Behin hori eginda, eta baimena eskuratu bezain laster, Atxa pabiloia bota egingo dute. Edozelan ere, amiantoa aurkitu dute pabilioi hartako lurretan, beraz, eraiste lanak egiten hasi aurretik lurren kutsadura garbitu egin beharko dute.
Udaltzaingoak emandako informazioaren arabera, errumaniar familia bakarra geratzen zen Atxa pabioian, eta polizia bertaratu zenean, beste barik pabiloitik atera egin zirela aditzera eman dute.
Baimenaren zain
Beraz, dagoeneko hutsik dago pabiloi hura, eta Goienak aurreratutako moduan, Garaia Berrikuntza Guneko ordezkarien asmoa da orain hura botatzea. Are gehiago, atzo (astelehena) zenbait gauza lekuz aldatzen ibili ziren, eta gaur dagoeneko bertan ziren makina hondeatzaileak lanean hasteko prest. Azkenean, baina, amiantoa aurkitu dute lurrean eta litekeena da Gabonak pasa arte lanekin ez hastea.
