Atxiloketa atzo, zapatua, izan zen azaroaren 25ean eman zen lapurreta saiakeraren osteko ikerketaren ondorioz. Ustezko lapurrak, bere autoa gasolinaz bete ostean ordainketa egiterako orduan laban batekin mehatxatuz dirua exikjitu zion gasolindegiko langileari. Langileak dirua emateari uko egin eta gasolindegiko bulegoan gordetzea lortu zuen. Lapurra autoa gasolinaz beteta baina esku hutsik irten zen gasolindegitik. Ustezko lapurrak ez du aurrekaririk eta epailearen aurrean deklaratu beharko du; biolentziaz egindako lapurreta delitua egotzi diote.