Aurten ere badatoz Arrasateko Akordeoi Lehiaketak, eta, azkeneko urteetan bezala, lau arlotan banatzen dira jardunaldiak: alde batetik, hiru lehiaketa izango dira –Arrasate Hiria Nazioarteko Akordeoi Lehiaketa, Gipuzkoako Akordeoi Lehiaketa eta Gipuzkoako Akordeoi jaialdia– eta, bestetik, iazko nazioarteko irabazleak kontzertuak eskainiko ditu, besteak beste, Aretxabaletan eta Arrasaten.
Gainera, aipatu beharra dago Nazioarteko Sailean 8 herrialdetatik etorritako 16 partaide izango direla. Partaide horiek Serbia, Portugal, Eslovenia, Polonia, Austria, Finlandia eta Errusiakoak dira.
Lehiaketak abenduaren 4tik 7ra bitartean egingo dira eta guztira 300 partaide inguru elkartuko dira egun horietan Arrasaten.
Bestalde, Ino Galparsorok, Arrasateko alkateak, herritarrei parte hartzera gonbidatu die.