Azaroaren 9an hasi eta abenduaren 1era arte zine sozialaren emanaldiak egiten dabiltza Eskoriatzan, Arrasaten eta Oñatin. Arrasaten atzo hasi ziren proiekzioak eta bertan izan zen Ekuadorko Janeth Cuji, CONAIEko -Ekuadorko Nazionalitate Indigenen Konfederazioko- Komunikazio arduraduna.
Atzoko ikus-entzunezkoa Ekuadorko Amazonasko komunitate kitxua bati buruzkoa da. 2002an Argentinako petrolio enpresa bat sartu zen bertan, komunitatearen baimenik gabe, prospekzio sismiko bat egitera, eta horren eraginez herri txiki baten eta erraldoi baten artean sortutako borroka ikusten da filmean.
Gisa horretako lanak gurea moduko tokietan erakusteak eurentzako duen garrantzia azpimarratu zuen Janeth Cujik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.