Diagnostikoa egin ostean, Udaleko Gizarte Ongizate Sailean ikusi dute bazterketa egoeran dauden pertsonak zailtasun handiak izaten dituztela, adibidez, lana aurkitzeko, etxebizitza bat aurkitzeko, bizitza komunitarioan parte hartzeko eta antzekoetarako.
Bakarrik dauden amak
Bada, ildo horretan, bazterketa arriskuan daudenei zuzenduta, eta bereziki bakarrik dauden amei, zama familiarrak dituztenei, bakarrik dauden pertsonei eta etorkinei zuzendutako bi modulu antolatu ditu Udalak Oinarriak programaren barruan.
Garapen pertsonala
Batetik, garapen pertsonala lantzeko arreta emango diete. 18 lagunei zuzendutako modulua landuko dute, justu, besteak beste, pertsona horiek gizarte trebetasunak gara ditzaten. Modu horretan, gura dute euren "bizi historian, emozioetan, jardueretan eta munduarekiko harremanetan sakondu", gero euren gizarteratzea errazteko.
Lorezaintza
Eta bestetik, modulu praktikoagoa landuko dute, kasu horretan, lanbide zehatza erakusteko helburuarekin: lorezaintza. Hala, arlo horretako formazioa eskainiko die Udalak: hasierako formazioa, formazioa okupazionala eta praktikak egiteko aukera.
Izena emateko
Oinarriak programan, normalean, Gizarte Zerbitzuetako laguntzak jasotzen dituztenak parte hartzen dute, beraz, ez dago izena eman beharrik. Dena den, norbaitek interesa balu, Udal Gizarte Zerbitzuetara jo behar dago, goizeko ordutegian, hau da, 09:00etatik 13:00ak bitartean.