Behin errumaniarrak joanda, pabilioia bota eta inguruko lurrak garbitu egingo dituzte. Garaia Berrikuntza Guneko Andoni Gartzia kudeatzaileak jakinarazitakoaren arabera, urtebete pasatxo dela dute hura botatzeko lizentzia: “Baina ezer egiten hasi aurretik jendea sartzen hasi zen eta harrezkero ezin izan dugu ezer egin. Gainera, geuk ere sufritu behar izan dugu: suak, euren arteko borrokak, lapurretak… denetarik izan dugu”.
Emandako xehetasunen arabera, Garaiak joan den ekainean ipini zuen errumaniarren kontrako salaketa, eta gerora, otsail-martxo inguruan, berriz, Arrasateko Udalak.
Atxa zerrategiaren orubeak 8.000 metro karratuko azalera dauka, pabilioiak berak 1.200 metro karratukoa.
Atxa zerrategiaren pabilioi zaharrean jarraitzen duten errumaniarrak lantegitik botako dituzte baldin eta euren kabuz pabilioia husten ez baldin badute. Izan ere, Bergarako epaitegian onartu egin dute haien kontrako desalojo agindua eta dagoeneko eurak abisatuta daude. Joan ezean, Ertzaintza joango da haiek botatzera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak