AKE tenis elkarteak Santamasetako bigarren tenis txapelketa egingo du zapatutik aurrera. Baina, izena emateko azken eguna bihar da. Interesatuek bi aukera dituzte: alde batetik, ake.tenis@gmail.com helbidera mezua bidali dezakete; edo, beste alde batetik, 630 41 81 37 telefonora deitu dezakete.
Gehienez 32 tenislari onartuko dituzte; hain zuzen ere, izena ematen duten lehen 32 jokalariak. Debagoieneko kiroldegietako bazkideek 12 euro ordaindu beharko dituzte, eta bazkide ez direnek 15 euro. Adinaren arabera bi maila egingo dituzte: 16 urte artekoa bata, eta adin horretatik gorakoa, bestea.
Tenis txapelketak bi fase izango ditu: lehena ligaxka modura jokatuko dute, eta bigarrena kanporaketa moduan, txapelduna zein den erabaki arte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.