“ARRASATE 1936, gerra eta errepresioa” izena edukiko du ikus-entzunezkoak eta proiektua datorren urtean aurkeztea nahi dute. Gerra bizi izan zuten Arrasateko ehunka emakumeen isiltasunari ahotsa jarri nahi diote euren bizipen, borroka eta pentsamenduak ezagutzeko asmotan.
Dokumental hori egiteko baina, dirua behar dute eta herritar eta ingurukoei 12 euroko laguntza emateko eskatu diete. Horren trukean, laguntzen dutenek ikus-entzunezkoa eskuratuko dute eta dokumentalarekin banatuko den liburuxkan laguntzaile bezala, beraien izena agertuko da.