Kontua da San Isidro gunean etxe berriak eraikitzeko proiektua aurkeztu zutela, eta horren ondorioz, San Isidroko hiru etxe, San Isidro elkartearen parean daudenak ordenazioz kanpo utzi zituela Udalak, haiek bota egin beharko zituztelako.
Obrarik egin ezin
Etxe bat ordenazioz kanpo baldin badago, etxe horretan ezin izaten da ezer egin; hau da, ezin izaten da inolako obrarik egin, eta zeresanik ez, norbaitek etxebizitzaren bat saldu gura baditu, nekez salduko du ordenazioz kanpo dagoen etxebizitza bat.
Etxeen proiektua geldi
Eta ikusita etxe berrien proiektua ez doala aurrera, auzokideek eskatu dute etxeok berriro ere ordenazio barruan sar ditzatela. Bada atzoko osokoak onartu zuena izan zen inguru haren gaineko egitamu berezi bat egitea eta hor zehaztea zein izango den gune haren etorkizuna.