"Zuzenean joan ziren kutxa blindatura, bide motzenetik; eta ez da erraza hura aurkitzea, jakin ezean non dagoen", kontatu du Correosko langile batek asteburuan gertatutako lapurreta saiakeraren gainean. "Diru asko dugu guk, banketxea gara eta Western Unionen dirua ere hemen dago…", beraz, lapurrek ondo zekiten zer lapurtu gura zuten Arrasateko Correosko bulegoan.
Kontuak kontu, baina, kutxa blindatua
irekitzen saiatu aurretik Correosko alarmak jo eta "sartu ziren
leku beretik irten ziren, hau da, sabaitik, ze ez dituzte ate
nagusiko pertsianak indarrez zabaldu; atzeko kalezuloko sabaian zuloa
egin eta elektrizitatearen bidetik sartu ziren, mehe samarrak izan
behar zuten lapurrek, ze bestela…".
Martitzenean konturatu
Asteburuan izan da lapurreta saiakera
hori. Correosko langileak martitzen goizean lanera joatean konturatu
ziren gertatutakoaz, "sabaiko zati bat zabalik eta mahaiak-eta,
zikin-zikin zeudelako".
Ikerketa zabalik
Ertzaintzak emandako informazioaren
arabera, lapurretaren gaineko salaketa ipini dute Correoskoek eta
ikerketa zabalik dute.
