Batzarra bera 9:30etan izango da, Amaia antzokian, senideentzat bakarrik. Ekitaldian bertan ezagutzera emango da nork hartuko duen Joxepa Arregiren lekukoa lehendakaritzan. Ekitaldi ireki nagusia 13:00etan izango da eta orduan egingo diote omenaldia Arregiri, Herriko plazan, bertsolari eta txalapartariekin. Azkenik, bazkaria egingo dute Uarkape pilotalekuan. Bazkaria irekia izango eta txartelak eskuragarri daude. 500 bat lagun joatea espero dute antolatzaileek.
"Etxean nahi ditugu" da X. Batzar Nazionaleko lema. Atzo aurkeztu zuten Donostian ekimena hedabideen aurrean, "preso politikoen senide eta lagunak biltzea ekarriko duena" eta ahalbidetuko duena "Estatu espainiar zein frantziarrean bizi diren muturreko egoeren salatzea". Ezinbestean, atzoko agerpenean modu berezian izan zuten gogoan Joxepa Arregi aurten zendua, elkarteko lehendakari izandakoa, eta gainera, omenaldi berezia jasoko du hark domekan bertan 13:00etan Herriko Plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak