Lehen ikastaroak Tratu onen plazerra du izenburu eta sexismoak, amodio erromantikoak eta jendarte indarkeria-zaleak harremanetan nola eragiten duten aztertuko dute ikastaroan. Edurne Mendizabalek gidatuko du, euskaraz, eta bi egunetan izango dira tailerrak; hilaren 12an –16:00etatik 20:00etara– eta 13an –10:00etatik 14:00etara–. Euskaraz izango da eta izena emateko azken eguna da azaroaren 4a. Sei euro ordaindu behar da.
Parte-hartze politikoa
Bigarren ikastaroa jabetza eskolak antolatu du: Emakumeak eta parte-hartze politikoa. Hainbat galdera erantzuten saiatuko dira, besteak beste, nolako ibilbidea izan dute emakumeek politikan? Eta, zein egoeretan daude gaur egun?
Arantza Urkaregik gidatuko du tailerra, euskaraz, eta ikastaro hori ere bi egunetan egingo da: azaroaren 26an –16:00etatik 20:00etara– eta 27an –10:00etatik 14:00etara–. Matrikula 15 euro ordaindu behar da eta izena emateko azken eguna da azaroaren 16a.