Domeka gauean gizonezko bat atxilotu zuen Ertzaintzak Zarugalde kalean, autoarekin aurreko autoari kolpea eman ostean bere autoa bide erdian laga eta taberna batera sartzearren. “Mozkortuta zegoen, gainera”, diote Herrizaingo Sailetik.
Lekukoen arabera, gauerdi partean
sekulako bozina hotsak entzuten hasi eta leihora ateratzean ikusi
zituzten bi gizonezko eztabaida bizi-bizian. Ertzaintzak emandako
xehetasunen arabera, bata mozkor zegoen eta Zarugalde kalera sartu
zenean aurreko automobilari kolpea eman zion; eta gainera, kolpea
eman ostean, autoa bertan kalean utzi eta tabernara joan zen.
Osasun publikoaren kontra
Beste automobileko gidariak poliziari
deitu zion eta poliziak garabiari, kalean utzitako automobila
erretiratzeko. Ertzaintzak, berriz, mozkortuta zegoen gizonezkoa
atxilotu egin zuen. Epaiketa izango du orain, “osasun publikoaren
kontrako delitua egotzita”.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak