Zaleak hilabete asko zeramatzaten zain. Ekon talde arrasatearrak urtarrilean eman zuen jakitera taula gainera itzuliko zela eta ikusmina oso handia zen.
Piroteknia, argiak, eszenaratze ikusgarria ez zen falta izan. Ekonekin ikuskizuna bermatua dago eta indartsu eta gogotsu hasi zuten emanaldia. Leds koloretsuak eta abesti bakoitzeko bideo programatuek giroa berotu zuten. Set-list borobila eskaini zutela azpimarratu dute jarraitzaile sutsuenek.
Metal gogorrak eta doinu elektronikoek Lideren ahots goxoarekin bikain uztartu ziren. Juan Sangre abeslariak esan moduan, "Bizitza osoa Ekonen arituko balitz bezala abestu zuen". Zaleak erotzen eta Bilboko Antzokia gainezka. "Ikaragarria izan da. Oso gustura gaude eskainitako kontzertuarekin. Zaleek behin eta berriro abesten zuten gurekin batera, ikaragarria izan da".
Agenda borobila
Hurrengo hitzordua ekainaren 16an dute Atortxu Rock jaialdian. Baina, Kobetasonik jaialdian ere izango dira. Eta nola ez, etxean, Arrasaten, zuzeneko berezia eskainiko dute ekainean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak