Martitzeneko finaletan, infantiletan lehenengo sailkatu zen Julen Moron, eta bigarren izan zen Aitor Etxezarreta. Kadetetan, berriz, txapelketa irabazi zuen Asier Larreak, bigarren izan zen Oier Arregi eta hirugarrena Ander Urrutia. Eta gazte mailan, azkenik, onena Danel Etxagibel izan zen, Asier Goitia bigarrena eta Beñat Arabaolaza hirugarrena.
Final mordoa
Arrasateko pilotariak batera eta bestera ibiliko dira asteburuan. Alebinetan Muruak eta Llodiok Elorrioko torneoko finalerdiak jokatuko dituzte egubakoitzean (20:00), eta zapatuan Gasteizen lehiatuko dira, Lakuako txapelketako finalerdian (17:00). Alebinetan Narbaiza eta Moron Elorrion izango dira baita ere. Arregik Gipuzkoako Txapelketako finalerdia jokatuko du zapatuan Lazkaon, eta Joseba Garatek alebinetako talentuen txapelketako finala jokatuko du zapatuan, 16:00etan Lazkaon.