Zoramena piztu zen herriko plazan lehen litxarreria botatzeaz bat

Miren Arregi Amasorrain 2009ko abenduaren 6a

Eguerdiko hamabiak aurretik zegoen Herriko plaza ume eta gurasoz beteta. Umeak urduri eta gurasoak haiei so, guztiak udaletxeko balkoira begira. Hamabietan irten ziren Arkaitz Biain eta Oihana Aranburu zinegotziak eta Ino Galparsoro Arrasateko alkatea udaletxeko balkoira. Hirurak ere irribarretsu, behean zegoen jende multzoari gozokiak banatzeko gertu.

Opariak eta litxarreriak banatu aurretik, baina, umeek, ozen, San Nikolasen abestia kantatu zuten.

Alkateak lehenengo litxarreria eskukada botatzeaz bat hasi zen zoramena. Hango oihuak, bultzakadak, barreak, negarrak... Horiek guztiak dira San Nikolas bolo-boloaren ezaugarri.

Arrasate

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak