Jaar Eden izan zen lehenengo pieza. Akaso berau izan zen ikuslearendako zatirik zailena: musika elektronikoak eta intsektuen hotsak nahastuta, bi neska izan ziren protagonista. Aipatu beharra dago uneoro erakutsi zuten konpenetrazioa, mugimenduen sinkronia ia perfektua.
Songeurs zatiarekin, dibertsioa heldu zen ikuskizunera. Taula gainean hiru mutil, euren pausu, dantza eta keinuekin, ikusleei irrifare bat baino gehiago eragin zizkietenak. Benetan pieza alaia izan zen hau.
Lan osoak bezala, Lur sagar izena duen zatiak eman zion amaiera ikuskizunari. Kasu honetan, sei neskek Mercedes Sosa abeslariaren doinuak dantzatu zituzten. Indarra eta sentimendua, esfortzu fisikoa eta dotoretasuna maisuki uztartu zituzten, eta amaieran, ikusleen txalo zaparrada luzea izan zuten sari.