Zirkulazioa ia etenda Gipuzkoa etorbidean eta Otaloran

Kamioi batek saihesbidean matxura izan duela-eta, Gipuzkoa etorbidean eta Otaloran zirkulazioa ia etenda dago gaur arratsalde-ilunkeran. Kamioiak karril bat oztopatzen du eta ertzaintza dabil zirkulazioa gutxika-gutxika abiarazten.

17:30ean matxuratu da Arrasatetik Aretxabaletara saihesbidetik zihoan kamioi bat. Horren ondorioz karril bat erabili ezinik gelditu da, eta ertzaintza zirkulazioa gutxika-gutxika bideratzen dabil. Horren ondorioz, auto ugari herri barruan pilatu dira, eta denbora luzea daramate Otalora eta Gipuzkoa etorbidean aurrera ezta atzera egin ezinik.

Kamioia konpondu ezinean dabiltzanez, 19:15ean garabi bat heldu da saihesbidera. Kamioia kendu bezain laster, poliki-poliki zirkulazioa hobetuko dela uste dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.