Egubakoitzean, 09:00etatik 14:00ak bitartean, Maiatzaren 1a plazan (San Andres) izango dira ziklomotore eta motozikleten azterketa teknikoak egiten. Aldez aurretik txanda eskatu beharra dago. Udaltzaingoan egin behar da hori. Txanda hartzeko ez da ordaindu behar; bai, ordea, azterketa egiteko: 24 euro dirutan (txartelik ez dute onartuko). 40 bat motoren azterketak egingo dituzte egubakoitzean (maiatzaren 15ean).
Aurreneko aldia da motoen azterketa teknikoa egitera Arrasatera datozela. Applus Iteuve Euskadi enpresako azterlariak etorriko dira unitate mugikorrean, hau da, Bergaran azterketa tekniko ofizialak egiten dituzten berak. Euren makinak muntatuko dituzte Maiatzaren 1a plazan, eta 10 minuturo moto bat aztertuko dute, aldez aurretik emandako txanden arabera.
Derrigorrezko bi dokumentu
“Azterketa teknikoa pasatu ahal izateko bi dokumentu aurkeztu behar dira derrigor: ezaugarri teknikoen txartela eta zirkulaziorako baimena. Biek ala biek dokumentu originalak behar dute izan”, aditzera eman dute Applus Iteuve enpresatik.
Gaineratutakoaren arabera, motorrean akatsen bat aurkitzen dietenendako bigarren hitzordua egingo dute. Hau da, beste egun batean etorriko dira Arrasatera, baina “bakarrik begiratzeko txarto dauden motorrak”.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak