12:30ean Olinpoko jainkoek botatako pregoiaren ostean, festa giroa nagusitu da kaleetan. Hasiera baten kuadrilla guztiek ordenan eta txukun-txukun desfilatu dute, baina animoek eta parrandarako gogoek hartu dute ondoren lekua. Herri bazkaria arrakastatsua izan da oso: heldu eta nagusi, goraino bete da Uarkape frontoia.
Era guztietako mozorroak ikusi izan dira: hotzari aurre egin dioten hondartza-zaleak, James Cameronen Avatar filmetik atera berri diren Na'viak, bale-ehitzariak, hilerri nuklearra Arrasatera ekarri dutenak... Denen artean baina, Aita Santua eta bere lagun-taldea izan dira kuadrilla onenaren saria eskuratu dutenak. Karroza onenaren saria aldiz, Sana taldeak eskuratu du.